تجربتي في الطلب أون لاين: Selfridges & Co

السلام عليكم ورحمة الله وبركاته❤
هااي :)
كيف الحال بنات؟ من زمان عن المدونة حسيت
رجعت لكم بجزء جديد من سلسلة الطلب أون لاين وهالمرة عن موقع Selfridges & Co
أخليكم مع تجربتي البسيطة في هذا الفيديو❤❤❤

طريقة الطلب جداً سهلة
في البداية تسجلين عادي بايميلك وتحددين كلمة السر
هذي الصفحة الرئيسية لازم ننتبه نغير الدولة إلى السعودية
فوق عاليمين سلة المشتريات وبجنبها حسابك الشخصي اللي فيه كل معلوماتك وطلباتك السابقة

لما تدخلين عالصنف تنتبهين للمقاس أهم شيء
طبعاً المقاسات بريطانية لأن هذا منشأ الموقع
بنبه على نقطة مهمة مو كل شيء ينشحن للسعودية فيه بعض الماركات الغالية مستثناة فقط داخل بريطانيا!!

تدخلين على سلة مشترياتك اذا حابه تعدلين عليها أو تحاسبين

بعدها أول خطوة في المحاسبة "التوصيل"
تضيفين معلوماتك العادية من اسمك إلى الدولة والمدينة والحي ...
وأهم معلومة لازم ما تنسينها رقم جوالك لأن التوصيل بيعتمد عليه كلياً

الخطوة الثانية خيارات الشحن مافيه إلا خيار واحد ويوصلك مع DHL بقيمة 25باوند=١٢٠ريال تقريباً خلال ٤إلى٧أيام
بعدها تكملة لخطوة الدفع

الدفع باستخدام أي من الخيارات المتاحة أنا اخترت فيزا
تعبين المعلومات الخاصة ببطاقتك
بعدها تضيفين عنوان استخراج البطاقة "اللي هو عنوان الدفع" إذا كان مو نفس عنوانك الأول اللي استخدمتيه للتوصيل
ثم دفع...
ترااااا خلصنا تطلع لك رسالة تشكرك على الطلب من الموقع

خلال يومين يوصلك ايميل فيه بيانات الشحنة كاملة وتقدرين تتبعينها
وعوافي مقدماً :))

*اضغطي عالصورة لجودة أفضل وحجم أكبر

------------------

إذا حابه تنضمي لمدونتنا ليصلك كل جديد

اضغطي على الخانة الزرقاء "انضمام" في العمود يسار الصفحة

If you want to honored us by your following 

please click on the blue box on the left side of the bage

أو أضيفي ايميلك في الخانة المخصصة لتصلك التدوينات دورياً 

❤❤❤❤❤❤❤❤