تجربتي في الطلب أون لاين: Farfetch ❤

السلام عليكم ورحمة الله وبركآاته ❤
أهللين بنات كيفكم؟ وكيف الصيام معكم!
كل عام وانتم بخير والشهر مبارك علينا وعليكم ❤❤❤

قد قلت لكم قبل اني راح أسوي لكم تقرير فيديو عن موقع Farfetch
وسويته وخلصت لكن كل شوي يعلق علي وينحذف وأموت قهر لكن لا لليأس
اليوم قدرت أسويه وأضبطه كويس ونزل عاليوتيوب تقدروا تشوفوه هنا

هنا بخبركم بطريقة الطلب وتعبئة البيانات كاملة ❤❤
طبيعي راح تكوني مسجلة في الموقع قبل ما تطلبي
التسجيل ماشرحته لأنه سهل مجرد تدخلين ايميلك وتحددين لك كلمة مرور

هذي الشاشة الرئيسية
زي ماهو واضح في الزاوية اليمين "سلة المشتريات"
بتكون فيها قطعك اللي أضفتيها وانت تتسوقين ❤

لما تضغطين عليها يعرض عليك القطع في الشريط العلوي
تختارين "عرض السلة" ❤❤

يرتب لك قطعك على حسب البوتيك أو المحل اللي بتطلبين منه
يكتب لك موقع البوتيك وقيمة الشحن وزي ماهو واضح في الصورة 0$ لأن كان فيه عرض شحن مجاني
لكن سعر الشحن المعتاد في غير وقت العرض حوالي 32$
تضغطين "محاسبة" لاستكمال العملية ❤❤

بعدها تدخلين معلومات "عنوان الشحن"
عن طريق "إضافة عنوان جديد Add new address"
ثم استكمال...

بعدها معلومات الدفع
يا إما عن طريق "الباي بال" اذا كان عندك حساب أو "بطاقة ائتمانية" اللي هي فيزا أو ماستر كارد
تضيفين عنوان الدفع اللي هو مكان استخراج البطاقة غالباً نفس عنوان الشحن
ثم تضيفين تفاصيل الفيزا اللي هي رقمها + الاسم + تاريخ الانتهاء + الرقم السري
ثم استكمال...

في النهاية يعرض لك الطلب كاملاً
بيانات الشحن والدفع بالأعلى
بعدها القطع التي في السلة ومعلوماتها
وعلى اليمين سعر القطع + تكلفة الشحن
ثم اعتماد !
بعدها تستقبلين رسالة عالايميل تأكيد للطلب
وبعدها بيوم تستقبلين رسالة ثانية ببيانات الشحن ورقم التتبع
خلال أربع أيام إن شاء الله تكون عندك ❤❤❤

ووبس ❤
أحس أغلب البنات يقولون شرحك يحسسنا ان السالفة سهلة
مع اننا اذا جينا نطبق ياخذ منا وقت وما تضبط معنا !!
وحقيقة كل شيء في بدايته صعب وأنا كنت في يوم من الأيام مكانكم وأشوف كل شيء صعب وكل الطرق تتسدد بوجهي لكن مع الممارسة يسهل الموضوع ويصير زي المويه :))

أتمنى يكون شرحي وافي وكافي ❤❤
وأي أسئلة أو استشارات لا تترددون سواء هنا أو على انستقرام
نشوفكم في تدوينات قادمة
بيباي ❤

------------------

إذا حابه تنضمي لمدونتنا ليصلك كل جديد

اضغطي على الخانة الزرقاء "انضمام" في العمود يسار الصفحة

If you want to honored us by your following 

please click on the blue box on the left side of the bage

أو أضيفي ايميلك في الخانة المخصصة لتصلك التدوينات دورياً