تقرير: كريستيان لوبوتان | Review: Christian Louboutin

السلام عليكم ورحمة الله وبركآاته

أهللن جميلاتي ❤❤

اليوم قررت ان البوست يكون تقرير عن هيلز لوبوتان اللي نزلته قبل فترة في مشترياتي

بما ان العيد قررب فيمكن وحده فيكم ودها تكشخ بشوز لوبوتان ❤

...

Christian Louboutin الاسم العالمي الشهير لمصمم الأحذية فرنسي الجنسية

اشتهرت هذه الماركة العالمية بعلامتها المميزة ألا وهي الروح الحمراء "Red Soul"

فهي كالرداء الأحمر الذي يجذب الثور، خطفت القلوب الناظرين إليها ❤❤❤❤

فليس هناك امرأة لا تشتهي زوجاً من الحذاء أحمر الروح فهو اللون المفضّل لمعظم نساء الأرض إن لم يكن كلهن

كنت أبحث عن النوع المثالي لي ألا وهو Pigalle ❤❤

...

لما تقررين تشترين مثل هذا النوع من الجزم ولأول مره 

حاولي انك تختارين نوع يكون كلاسيكي ومو ضمن كوليكشن خاص بفترة معينة

وهذا اللي انا سويته لأني أبغا شيء يدوم مو كل يومين بنط شارية لي جزمة من كولكشن جديد ويروح وقته وتصير قديمة

الموهم أنا كنت حاطه ببالي أبغا نوع يسمى Pigalle ولونه أسود بس فيه أنواع من الأسود فيه مطفي وفيه نص لمعة وفيه لمعة قوية ومحسوبتكم  تبغا لميعة :))

وغير كذا فيه طول الكعب!! ما كنت أبغاه عالي 120mm لو تشوفونه يروووع كنت أبغا 100mm وفيه بعد أقصر 80mm للي تبي
والشكل من الأمام عامل مهم أنا كنت أبغاه مدبب عادي مو طويل ولا مدور :)

طبعاً أنا كنت مجهزة كل المواصفات اللي أبغاها تتوافر فيه عشان يدوم لي وما أتورط فيه

كنت دايماً أروح فرع برج المملكة وما ألقى اللي أبغى :(

وقبل فترة رحنا جدة فقلت فرصة أمرهم يمكن ألقى اللي ببالي

المحل موجود في مركز الخياط على شارع التحلية جدة ❤❤

هنا شكل المحل ❤❤❤❤

وهنا من الداخل ❤❤

المحل مآخذ شكل العالم البحري والشعب المرجانية

وصخور وفتحات شيء ياخذ العقل ودك تعيشين فيه ❤❤

الحمدلله أول ما قلت له طلباتي اللي أبيها في الشوز

قالي انه جايهم كولكشن جديد من الجزم الكلاسيكية وتخيلوا يا بنات ما يجيبون من كل مقاس إلا قطعة وحده!!

حمدت ربي جيت بالوقت المضبوط T.T

..

مقاسي بالجزم عادةً 39 بس لوبوتان ما يهمه شيء اسمه راحة للرجل

أهم ما عليه شكل الرجل يكون حلو فالجزم أغلبها ضييقة من قدام

أخذت مقاس 40 ><

الجزمة يجي معها فاتورة مغلفة ببطاقة راقية
والدست باق طبعاً، وفيه دواسات إضافية أو ما أدري ايش تسمى اللي تكون تحت الكعب

انتهينا من الباكج نجي للشوز نفسه ..

سألته عن التبديل لأنه مافي ترجيع أبداً

قالي انه الجزمة مافيها أي خدش من الأسفل فلازم لما ألبسها في البيت أكون على فرشة

فلو احتجت أبدلها أو شيء لازم ما يكون فيها أي خدش :))

بالنسبة للأسعار الأنواع الكلاسيكية هي أرخص الموجود
وكل ما ارتفع الكعب وكان فيه بلاتفورم وحركات كل ما زاد سعر القطعة
جزمتي كان سعرها 2490 SR

وبس كذا يكون انتهى التقرير ❤❤

أتمنى أكون غطيت كل الجوانب وتجربتي تكون مفيدة لكم

ونشوفكم في تدوينات قادمة ❤

------------------

إذا حابه تنضمي لمدونتنا ليصلك كل جديد

اضغطي على الخانة الزرقاء "انضمام" في العمود يسار الصفحة

If you want to honored us by your following 

please click on the blue box on the left side of the bage